..
ياللى كنت فى الشهامه..
بيضربوا بيك المثل..
دمك أخف من النسيم..
أطعم وأحلى من العسل..
طب أيه حصل..؟؟؟
قلبك قـِوى..عقلك فصل..
عينك تملى على البنات..
يامتحرش..
وناسى إن ليك إخوات..
وكل كلمة بتقولها..
هاترجعلك أكيد ألوفات..
هو إنت ليه..؟؟
مابقتش حاسس همنا..
هو إنت ليه..؟؟
بعينيك معرى جسمنا..
هو إنت ليه فوق كل أزمه..؟؟
بتزود كمان أزمات..؟؟!!
أيه كان جرا..؟؟؟
خطاوينا مش متقدمة..
بالعكس دى بترجع ورا..
فين الفضيلة والشهامة..؟
راسم طريقك للضياع..
ليه بالقلم والمسطرة...؟
ربك على فعلك شهيد..
إرجع بقى..قدوة ومثل..
ياريت المعنى يكون وصل..
..
بقلم : ولاء عدنان
ليست هناك تعليقات:
إرسال تعليق