الشاعر محمد عبد الفضيل
شــعـــر
---------
تــرنــيــمـــــة عــشـــق
-------------------------
للشاعــــر / محمد عبد الفضيل
--------------------------------
ومن تسبيحك الماضي
بفرط سبحة الصالحين
وبستغفر علي الفاضي
ومستخسر تقولي آمين ....
يا وش حزين .
سنين عمرك بتترهبن
وبتداري تجاعيد الزمن وتلين ....
وقهرة حبك التايهه
لاقوها ف حضن ناس تانين .....
وبتخربش كروت الحظ وتنادي
علي التايهين
ومش سامعين .....
ودانك لسه ليه من طين
وشارده ف سكة العاشقين ....
ميتين خطوه تخطيها
برود عشقك تنديها
بتسقع من سحابة صيف
وأنا بشوقي بغطيها
وأدفيها بتلا ل بطاطين .. ...
وأغني حنين .
لكن العزف مش راضي
بيعـزف لي علي الفاضي
بيكتب نوتة للمغني
يقول للعشق سمعنا
فيرمينا بلحن حزين ....
وشمس صباحك الغايبه
جابت لي ميتين نايبه
وكفكفنا الميزان ماطب
لأن مشاعرك الخايبه
كما ريشه غراب ما إتحب
ولا لصياده كان بيلين ... ..
يا طهر حزين ..
مرخرخ زرعك الوردي
بيتلطع علي البردي
بيتمسكن عشان ترضي
وتهد يله الغرام بساتين .....
وبتوضي علي كفوفك
بلاقي وضوئي مش طاهر
كأنك داقه ف دفوفك
وزافه بطبل ومزاهـر
وسارقه السجده م الصالحين .....
----------------------------------شبرا في 6/5/2016م ----------------------
ليست هناك تعليقات:
إرسال تعليق