أقوم من النوم
أنام تانى
أنام وأصحى
على همى وأحزانى
وصرخة طفل فى ودانى
بتندهلى وتسألنى
مين الجانى ...... ؟
***
أقوم من النوم
وأنا عينى ماشافت نوم
أقوم من النوم
وأنا تايه فى نفس اليوم
ببحر غويط بلا شاطئ
وفى دموعى
يوماتى أعوم
***
أقوم من النوم
أنام تانى
وكلمة أه ه ه ه ه ه ه ه ه
على لسااااااااااااااااانى
أنام وأصحى
ولسة الصرخة فى ودانى
ولا عارف .. ولا قادر
يانااااااس أعرف
مين الجانى ؟!
========
صرخة :
حسن يونس
شاعر الزمن الجميل
ليست هناك تعليقات:
إرسال تعليق