مات الضمير
بقلم أحمد هلال
ـــــــــــــــــــــــ
هو إنتوا ليه مات الضمير ؟
ولحقنا ليه العار
كفنتوا ليه الأمل
ياحفنه مــ الأشرار
وزرعتوا فينا الموت
يحصدنا ليل ونهار
أطفالنا ليه بتموت
م الخاين .. الغدار
قتلوا ولادك ياحلب
فتحوا عليهم .. نار
قتل الطفوله ياعرب
خرب كمان الدار
بتداروا ليه الحقايق
بتخبوا ليه الدمار
والطفل ليه مسكين
مليان ألام ومرار
قاطعين لسان الحق
ضلمتوا ليه النهار
كل العرب ساكتين
ولـــ دمنا .. شاربين
طب خافوا يوم الدين
هيكون عذابكم أليم
ولا أنتوا إيه ناسيين
ده فيه حساب وعقاب
ولا أنتوا مش عارفين
ياكل حكام العرب
العدل فيكم .. فين
حياتكوا فيها الألم
والأخرة عليكم طين
ضيعتوا ليه الحق
خليتوا طفلي حزين
صحوا ضميركم بقى
هو أنتوا ليه ساكتين
ــــــــــ
بقلمي احمد هلال
ليست هناك تعليقات:
إرسال تعليق