•~♧ الخوف ♧~•
منك لخوف
يالخوف...
كلام رجع الماضي...
ؤ شعل وقيد الجوف.
ؤ أنا صغير ...
بالصندالة والدق...
تلفات لحروف.
لكتاب ما حملتو...
ؤ ما بقيت بيه نطوف.
عيون غرقات ف دموع...
للكناش ما بقات تشوف.
زادها لخير لي كينزل...
على لكفى G ...
كفوف كفوف.
نبكي ؤ نشكي ...
ؤ قلبي ملهوف.
منك يا لخوف...
بيك كبرت لا قرايا ولا ضرايا...
عشت حلوف.
الناس خدمات ؤ تغنات...
ؤ أنا بقيت نشوف.
كراني G خلاصهم ألوف.
ؤ انا غير صروف.
فلوس كثيرهم غير شقوف.
عشت حياتي غير معمر صفوف.
منك لخوف ...
يا لخوف .
* زجلية بقلم : إبراهيم منتصر
* 04 ماي 2016
* مدينة سلا المغرب
ليست هناك تعليقات:
إرسال تعليق