‘‘‘‘‘‘‘‘‘
كرهت اكون وحيد حالى
ودايما دمعى موّالى
وزفرة آه بتجرحنى
وتدفعنى لترحالى
كرهت يا ناس أشوف نفسى
مجرد ورقة مطوّيه
نشف فيها حروف الفَرْحْ
وفيها الضحكه منسيّه
أنا من غيرك الأيام
بقت تحزن لأحزانى
يعدّى العمر من جنبى
وانا متْشَد فى مكانى
قوليلى الشمس ليه تشرق
لو انت نسيتِ عنوانى
أنا بيكِ أهز الكون
حب وفَرْحْ وأغانى
بلاش تنسينى لو لحظة
وانتِ لنفسى وجدانى ...
بقلم / إبراهيم فهمى المحامى
4/5/2016
ليست هناك تعليقات:
إرسال تعليق