كان عندي زمان دبدوب
مبسوط وف ايده قلوب
مركون علي طرف سريري
بيبص تملي بعيد
وتعدي سنين وتفوت
والدبدوب مش بيموت
من يومها وهو مكانه
ومفيش ف حياته جديد
قررت اركز حبه
واتكلم عادي معاه
ماهو نفسه اكيد يتكلم
ومفيش دباديب سمعاه
ف سالته وقلت ازيك ؟
قالي انا زيك بالظبط
دبدوبي عميق تقريبا
بصراحه انا استغربت
قولتله سنك مش باين
خليتني بجد اتحير
قالي انا كبير من همي
لكن ف السن صغير
#آيه محمود
ليست هناك تعليقات:
إرسال تعليق