61 = #مشروع_مواطن
قلت حاضر قالوا شاطر
أبكم أعمى أصم فاخر
لا يوم هتكتب و لا لك خواطر
قلت لأة قالوا زئة أصل إنت في الأصل غادر
قلت لأة قالوا خاين و الحكاية إن أصله فاجر
قالوا عني كلام كتير
قالوا ان ماليش ضمير
آخري هدمة ولقمة وسرير
و اني فاشل ولا حتى انفع أبقى حتى فـ يوم خفير
دول حتى قالوا ان ابني عالة وإني حثالة و كمان حقير
صرخت لأة أنا مواطن
قالولي تاني هتسوق جنان
و لا هتحلف الأيمان
و هتعمل فيها إنك إنسان
انت ناسي إنك شيطان
و إن طول عمرك جبان
اوعى تنطق أو تبان
انت مأطوع اللسان
و اللي زيك ملوش مكان
قلت لا بلاش سباب
ليه بتنهشوا زي الكلاب
ليه عاوزينها خراب
ليه يا بلدي الحق غاب
دنتي أعلى من السحاب
آه يا بلدي شُأي ليلك
أومي يلا و شدي حيلك
ياللي روحي هي نيلك
ياللي لحمي أصله خيرك
روحي راحت تفدي طينك
دمي لسة فوق جبينك
ذكرياتي بين سنينك
آه يابلدي من صوت أنينك
بكا وعويل و يا النواح
صرتي مرتع للنباح
و انعدم فيكي الفلاح
و انطفى نور الصباح
لكني بحلم بالاماني
ولساني بيردد أذاني
الله أكبر يوم ميلادك
تهليلي حي على جهادك
السلاح في ايد ولادك
نصرة جية يوم ميعادك
راية عالية بلون خضارك
وسطها مرسوم هلالك
تلات نجوم شامة نضالك
والله أكبر تحمي دارك
وابنك شهيد ضمه ترابك
نصرك وليد بيدق بابك
وبروحي راح أفدي جنابك
عيشي يا أمه و افرحي الزمام في ايد ولادك
ليست هناك تعليقات:
إرسال تعليق