الدايره لما تدور
يمكن بتعدل المايله بس بتقلب الموازين
تديك جاه وغنا وقصور
لكنها أبدأ ما تسعد قلب حزين
لحظة ما كان الفجر بيطبط
على خد الشمس لجل تقوم من نومها
كانت الزهور فى الغيطان نعسانه
فتحت شباك اوضتها
أجمل زهره فى البساتين
ست البنات فضه
الشوق رماها تبص للخضره والميه
وتكون شفتهم أول جمال للعين
السهم خرج كما مدفع
شبك قليب الصبى قلب حاله
لحظة ما كان ع الترعة بيتوضى
معذور يا دى الجدع
مين ال يقدر يفتح فى جمال فضه
# الجزء الأول من قصيدة _ هريدي وفضه
ليست هناك تعليقات:
إرسال تعليق