مش عارف ليه..!؟
----------
مش عارف ليه
كل أما أحس
إنك حياتي
وإني في قربك
برتوي
وان كان علي
الرغم ف دا كله
كل ليله بانكوي
ولما بطلب في يوم ايديكي
تديها وانتي بتتلوي
ليه في مصابك
واحتياجك
تلقاني واقف في الطريق
واقف وصامد
صاحي لجنابك
أوفي وأخلص من صديق
يا فرحة الأمس الجميل
يا اللي في غرامك
يا حبيبتي
ما عرفت كلمة مستحيل
ولا أيه يذل
ولا أيه يكل
ولا أيه يميل
أصل الحكاية والعبارة
إن المتيم في هواكي
يا بلادي
عشقه وهيامه
ما تلقالوش أبدًا مثيل
مش عارف ليه
ليلة الجمعة ٢٤من حزيران ٢٠٦
ليست هناك تعليقات:
إرسال تعليق