نويت الصوم ودي النية
ولو هلمحها جنية
مانيش فاطر
نويت الصوم وهتسلح
بذكر المولي والتسبيح
واقيم ساتر
ولو قاد الحنين فيا
وشب فـ قلبي حنية
هكون قادر ..
على فراقها
وح اقتل تاني اشواقها
واتسلح بذكر الله
عشقتك آه صحيح يمكن
لكني بتوب
ورب الكون ده رب قلوب
بيسمع لينا
ويطيب عذاب فينا
ومش محتاج لأسامينا
عشان يرحمنا من دي ذنوب
نويت الصوم
وذنبي الشين بيخضعلك
وعصياني بيسمعلك
وبيسلم على سلاحك
وراضي كمان على كفاحك
عشان ترضيه
وترضي غرور جناب معاليه
ومش عارف
بإنه ضعيف قوي وخيبة
تملي الذنب يغرق فيه
و يحلاله عشان منك
برغم انك
تملي بتعمليه صيدة
ورسماله كذا مكيدة
عشان تجيبيه
فيتمرغ على اقدامك
ويفضل قلبه خدامك
ولا بتفديه
#نويت_الصوم
بقلم / تهاني عبد السلام
ليست هناك تعليقات:
إرسال تعليق