_____جيل الثمانينات______
انا من جيل الثمانينات
جيل والله كان شربات
كان ايامنا الابيض واسود
وتليفزيون فيه تسع قنوات
يشطب بعد الساعه ١٢
نقفله بقي وننام ونبات
والفيلم الهندي بيجمعنا
ونتلم سوا في الاعياد
كان ايامنا جهاز الفيديو
وشرايط تسجيل كاسيتات
وحشاني فوازيرشريهان
وبوجي وطمطم ومازينجر
وكابتن ماجد هو كمان
وفطوطه وعمو فؤاد
الكاميره في الملعب تخلص
تاكسي السهره للجدعان
طبعا لو افكر هاتزكر
وارجع للماضي اللي فات
نفسي اعيش الايام دي تاني
وانسي نفسي لو ثواني
انا من جيل الثمانينات
جيل اتمتع علي فترات
بقلم الشاعر محمود رجب
ليست هناك تعليقات:
إرسال تعليق