أجمل ليالي السنة
ـــــــــــــــــــــــمحمودعمارالزلبانيـ
هلت ليالي المنى
والفرح في رمضان
ليالي فيها الهنى
والبر والإحسان
أجمل ليالي السنة
فيها سعادة للإنسان
الصوم علينا إنكتب
من بدري في القرءان
وفرضه علينا وجب
علشان نسبح الرحمن
ندعي نقول الله
يا مبدع الأكوان
ابعد هموم الآهـ
وقوينا بالإيمان
نادى علينا ربنا
من فوق سبع سموات
الصوم دا ليا أنا
أوهب عليه حسنات
سمعنا الندى كلنا
لبينا بالصلوات
ودقنا طعم الهنى
ونعمنا بالنفحات
رمضان يا شهر الكرم
على أمة الإسلام
تغمرنا فيك النعم
يا شهر كله سلام
وياك بننسى الألم
يا أفضل الأيام
أبواب الجنة فتحت
علشان اللي صام رمضان
كل المآذن كبرت
بتذكر الغفلان
عشان يتوب لله
وعلى الذنوب ندمان
دا الصوم هيبقى معاه
رحمة مع غفران
والملايكة تستناه
ويبعد عن النيران
بالعطف مد الأيادي
واتصدق على الغلبان
وقول يارب بلادي
تعيش بأمن وأمان
------------- محمودعمارالزلباني
ليست هناك تعليقات:
إرسال تعليق