قصيدة ليالى السهر
(شعر غنائى)
================
تحلالى ليالى السهر
وأنا وياك
ويا النجوم وضى القمر
وحبى ف هواك
قلبى دق مع الثانيه والساعه
وزادت دقاته
لقرب ميعادك وأنا هيمانه
أنظر للقمر وأفتكر
أجمل ليالى السهر
أنا وأنت
ف دنيا الحب عايش
ف الغرام دايبين
روحى وروحك طايرين
مش حاسين
ولادريانين
بنظرات المحرومين
من الحب
وعشق المغرمين
ما فى غرام بعد غرامك
وقلبى يتمنى لؤاك
تحلالى ليالى السهر
وأنا وياك
ويا النجوم وضى القمر
وحبى ف هواك
ياحبيبى زيك م لقيت
وحبى عنك م خبيت
ولأجل عيونك ضحيت
وعمرى كله عشانك
وابقى بعدى ما وفيت
غالى عندى
عايش ف قلبى
وأخاف عليك م اللمسه
ده حكايتى معاك
من أول همسه
وقلوبنا للحب ملامسه
ياحبيبى وحشنى
همس كلامك
ويا حبك وحنانك
ياحبيبى
قلبى معاك
وعلى ميعادك
أنا مستنياك
تحلالى ليالى السهر
وأنا وياك
ويا النجوم وضى القمر
وحبى فى هواك
==================قلمى
جابر خلف الله إبراهيم
(الخطيب)
=================
ليست هناك تعليقات:
إرسال تعليق