سألت العراف معرفنيش
والنجوم ساكته مبتقليش
سؤال محيرنى ( وبعدين )
السكه رايحه بيا لفين
رحله وطال فيها السفر
وأيام لياليها من غير قمر
وابتسامة ونسيت شكلها
وآهه بتلف حوالين نفسها
كل مقول نسيت وجعها
معرفش إيه تانى يرجعها
حكايه نهايتها مش معروفه
حروف من كلماتها محزوفه
نار مابتنطفيش غير بالدموع
والمشى فى طريق ممنوع
ع الحبل مكتوب عليه امشى
وأمسك نفسى ومقعشى
مين لمعركه مع الزمن رشحنى
ومن العالى مسكنى وطوحنى
آه لما يسيبوك يوم تختار
بين خيارين أفضلهم نار
لما تكون ماشى مش عارف
فى سكه ضلمه ومش شايف
وتخطى الخطوه وانته وبختك
يا إما يسقفوا يا فيها حتفك
ليست هناك تعليقات:
إرسال تعليق