سقف الحياة
******
يا ألف خن وألف شق
ف بيت ضمير
سرسبت ليه السوس حرام
يتهد تاج الزينة فينا من زمن
صاحب سكن بقى بين بينين
بين موت وبين مشلول كسير
الراعي محتاج
واللي ليه
إخلاص مع عهد الوفا
زائد لسان زي السيوف
هاجروا وسابوه
قرب يموت
هزيل ضعيف من غير دفاع
إتباع تاريخ ف غياب وطن
واللي باعوه لو يعرفوه
كان إترحم
السعر عالي من اللوع
والفكة زيف على خدعتين
واللي إشترى
نحات كلام
ينحت مبادئ من هوا
ويراعي دايما ف الخيال
وصفه الدقيق
والشوف مفيش حتى العمى
صايب قلوب
حتى اللي شاف
قفة ضماير ميتة
أخرس عليل
واللي إبتعد بقى متهم
بالبيع رخيص
تحت المسمى المبتكر
سقف الحياة قرب يقع
وإحنا يادوب
عايشين يومين
******
قلم // علاء الدين علي
ليست هناك تعليقات:
إرسال تعليق