يا دنيا ليه
يا دنيا جرحاني
وللعذاب وخداني
وف ناري فايتاني
هشكي لمين
يا دنيا ليه
أيام وعايشنها
وأفراحنا ناسينها
وأحزانا تاركنها
من كتر الأنين
يا دنيا ليه
لا حزن بتداوي
ولا فرح بتساوي
وعايش أنا هاوي
البعد من سنين
يا دنيا ليه
عنك وعن ألمك
وضحكك ولعبك
بمشاعر بشرك
من غدرك شاربين
يا دنيا ليه
نشكي من الألم
والقلب إتظلم
والفرح اتكتم
وأدينا عايشين
يا دنيا ليه
الحب مستحيل
والبخت قليل
والجرح بالكيل
نروح منك لفين
يا دنيا ليه
الحزن بقى غيه
وأفراحنا منسيه
وأيام معديه
و الحب ساعتين
يا دنيا ليه
بقلمي
احمد محمد علي
الاثنين 22/8/2016
ليست هناك تعليقات:
إرسال تعليق