المعضلة
انا الوحيد اللى انتصر على
نفسه وسط المعضلة
الكون بحاله كان اسير
والأسر عار
فاكتب باسم المستعار
أن اللى جار
ووقف يسلم ع الخريف
باعه الربيع
للى اشترى
بس التمن
كان العبير اللى اتسرق
من زهر فل
شيطان يطل
براسه من وسط القلق
نواية وقعت فى الغرق
واللى اتسرق
كان الضمير
صبح المصير
ف ايدين بتغزل
من خيوط النور ضلام
وابن الحلال
خايف على اللقمة الحرام
البنت وقعت فى الغرام
والفارس اللى عاش اسد
متخبى خايف م الحسد
ليست هناك تعليقات:
إرسال تعليق