انا
....
ولسانى
بقول الحق مش خايف
مع انى
اكيد عارف
كتير الحق بيزّعل
وانا صادق
ومش كداب
والفين باب
بنقفلهم بقولة حق
يقولوا صحبتى جامل
اقول ميت لأ
وداع يا زحمة الاصحاب
انا مهاجر مع نفسى
اكيد ليلة هلاقينى
هعيش صادق مع نفسى
لعل الصدق يحمينى
من الدنيا اللى ظلمانا
من القسوة اللى وجعانا
من الصاحب
ومش صاحب
من الحب
اللى مش م القلب
كفايه يا قلب
بكى ودموع
وإوعاك يوم
تبات موجوع
من الدنيا اللى كدابه
هعيش صادق
وانا عارف
بإن الصدق ما ينجى
لكن حقى
اموت انسان على ارضى
ولا اعيش يوم
وانا حاكم
على غابه
حاكمها الكدب
منصور عبد المقصود
ليست هناك تعليقات:
إرسال تعليق