ضيوف القمر
اجا القمر وجايب معو زوار
قلتلو خير يا سعد هالجار
قلي جايب معي كل النجوم
كرمال عيونك ت ننظم الاشعار
قلت يا قمر هلا وصرت محتار
شو عبالك ت أقوم بواجب الزوار
قلي بوسة بتكفي من ورود خدك
خجلت وصرت بدي اكتم الاسرار
قلت يا قمر قلبي والله احتار
بزرع الشوك والشوك بينبت الازهار
ولا تقرب من نسمات الهوا
نسمات الهوا الها الك اخبار
مبارح شمس العشق غابت
وبلحظات ع غيابها دبلت الازهار
ولما طل القمر بكير
من نور القمر وردت ازهار
هلا فيك والطلب الك يرخص
ووجنات الشمس قطفتلك اكليل غار
قربوا نجوم السما قبل القمر خلسة
شافو عخد الشمس مكتوب
ممنوع اليوم نستقبل الزوار
غمزني القمر غمزة منها القلب رفرفرف وطار
وشفت الشمس حد القمر
واتنينهن عم ينظموا للعشق أشعار
واذا كبرنا وصرنا بالعمر شيوخ
بالعشق بنبقا متل ولاد لصغار
هلا بالقمر ..
هلا بالشمس..
وبعتذر من ضيوفنا ..
اليوم ما بقدر بوجود القمر..
استقبل ....الزوار...
....علا فياض سبيتي...
ليست هناك تعليقات:
إرسال تعليق