يامصرى مالك هوا فى ايه ------------ زعلان على حالك قوى كدا ليه
صبر احتمالك و بنشكرك عليه ----------- ريحنا من سؤالك ازى و ليه
يعنى لو قلبك الالم ماليه ---------------------- تفرحنا لوانكتم اللى فيه
---------------------------------------------------------------------
صحيح ان ظلمك ماله زى ------------ و قهرك واضح وضوح الضى
لكن غلبك مش معناه ياخى ------------ فى ضربك تصرخ و تقول اى
طيب هاتعمل ايه فى اللى جى -------------- فى عدل جف وماله رى
---------------------------------------------------------------------
اصلك فى طيبتك مايتلقيش ----------------- عندك كرامتك قبل العيش
تدبر خيرك من حرمان ومفيش ------------ وتدى لغيرك علشان يعيش
اصل فلسفتك الدنيا ماتساويش ---------- الف يابختك ياعطاء ماينتهيش
---------------------------------------------------------------------
انت عقيدة فى الرب عتيقة ---------------- بايمان اكيدة وللحب رفيقة
وبتعمل الافراح من الديقة --------------- زعلان ليه من اخطاء بريئة
لو نار الجراح جاتلك تلفيقة --------------- عيب الصياح بكلمة حريقة
---------------------------------------------------------------------
لودى مننا بجاحة وحوش جريئة ---- التغيرعندنا بسراحة ملوش طريقة
لان الاكاذيب ساحت على الحقيقة -- والضماير راحت فى الغش غريقة
تصرخ اه صوتك ضايع فى سويقة ------ كفاية لك الله ودا لب الحقيقية
بقلمى يوسف ونيس مجلع
ليست هناك تعليقات:
إرسال تعليق