جوه الذات فى كتير حاجات
ذكرى طفوله وحلم شباب
خوف من بكره يضيع فى غياب
جوه الذات فى كتير حكايات
لما الحزن يعلى قصوره
وأما الدمع يفيض بعيونه
وبسقى الزهر
يطرح شوك بدل الورد يمثل دوره
يبقى ساعتها كل حواسك
عادى يصيبها الف سكات
ماهو جوه الذات فى كتير حكايات
كل حكايه بحرها واسع
موج بيودى الفكر بعيد
مد البحر بيرجع تانى
بس الفكر بيموت فى مواجع
وعقل ورافض كل ظروفه
عاشق بس لقولة ااه فى الكلمات
ماهو جوه الذات فى كتير حكايات
نبض ضعيف أو متقطع حسب الحاله
خايف يخسر معنى لكلمه
مبقاش فاضل منها أكيد
غير بس قواله
وأما الحاله توصل بيك لعجز رباعى
رعشه وخوف ويا دموع فى عيون متشاله
يبقى خلاص عمر وفات ميجوز عليه
غير الرحمات
ماهو جوه الذات فى كتير حكايات
ليست هناك تعليقات:
إرسال تعليق