أحلام كبيرة
.................
قامت تخبط ع البيبان
وفتح لها
مكنتش تملك غير قرار
فتحت زرار المجد
عشقت الانحناء
رفعها اول سلمة
واستسلمت كل السلالم
تحت خطوات النجاح
صبحت مباح
والمجد رافع اسمها
من بختها
أن السلالم من ازاز
واتكسرت
فوق الجدار
أحلام كتير
لما ايجت أحلام تنافس حلمها
واتفتحت كل الزراير
فوق كاسات المعجزات
فى كتير بنات
عاشت تغنى للقمر
بس القمر
مقدرش عمره يخون
عيون
فى الأرض غالى مهرها
يا قهرها المنحوت
على جبين خصرها
مين زيها
بينه وبين النور خصام
الانفصام
مخلوق بيجرى فى فكرها
كان عندها اللى تخاف عليه
بس الجنون شعرة
من نواميس الحياة
مين اللى كان طلب النجاة
والجاه على الأعتاب
بيرقص على الوتر
عاش الخطر
مرفوع على راس الامل
احلام كتير بتموت على ايدين الحياة
ليست هناك تعليقات:
إرسال تعليق