بقلمى
مستوحاة من الصورة
خارجة وماسكة فى إيدى السلّة * حاسة بفرحة وحاسة أمان
بس مجاش على بالى الضلمة * ولا الخوف كان فى الحسبان
أيوة لقيت الدنيا دى غابة * كــلــه بينهش كــلــه جعان
كله بيرسم ليك الضحكة * زى ملاك مع إنه شيطان
ليه الناس بتخون وبتجرح * يرسمو بسمة وهُمّا غيلان
لازم وقت خِدعنا يفوت * لازم نــتــعــلــم يــازمـــان
مش راح أصدق خدعة ديب * لو كان حيوان أو إنسان
عارفة طريقى وسكتى واضحة * شايفة النور عارفة العنوان
لازم هوصل مهما هيحصل * هوصل علشان كُلّى إيمان
ليست هناك تعليقات:
إرسال تعليق