(زمن المواجع)
فرفطني يا زمن المواجع
زي عنقود العنب
حبات
فرقنى على كل الصغار
حواديت
جايز يلاقوا ف غنوتى ضحكه
او في مره
يدوقوا فيك شربات
أرسمني فوق صدر البنات
ينبوع حنان
كان ايه رماني
في سكتك يا زمان
وانا لسه ذره
في عالم التكوين
كان نفسي اكون
شجرة لمون
أو عود نبات
أو لعبه في أيدين البنات
او اي شئ
يسعد جميع الكائنات
أو اني أكون في الليل دفا
حبة وفا
في قلوب مصابه بالجفا
والحب فيهم أختفي
تحت اللسان
نفخت سموم كل الأفاعي
والضمير حيات
كان ايه رماني
في سكتك يا زمان
غلطة حياتي
اني بقيت
أنسان
(تنهيدات صلاح يوسف)
ليست هناك تعليقات:
إرسال تعليق