المعلم
ده مكانه
المعلم مش اهانه
يا حكومه مفتريه
المعلم خط نار
مش بتاجر
ف المخدر
أو بصدر
ليكي عار
أما اعلملك ولادك
كيف يكون يكون الشبل
راجل
واما انور لك دروبك
كل حاره
و كل دار
كيف نسيتي اني حبيبك
كيف وانا شارب المرار
تيجي و ف لحظة غباوه
تعلميني الانكسار؟
ليه تعامليني بقساوه
ليه تعامليني ك فار؟
لما كل الدنيا
تنظر باحتقار
لما ينشال الوقار
لما كل العلم ف دماغي
بيتحول بخار
لما ينهار الجدار
يبقي مش قدامي حاجه
غير طريق الانتحار
هو مش برضو المعلم
اللي خرج كل ضابط
و اللي صنع
ألف باشا
و مستشار؟
و اللي خرج لك
أطبه
و اللي قال تحيا المحبه
و اللي علم درس (عقبه)
و اللي صنع ليكي
ياما ف لحظة الضعف
انتصار
هو أستاذ
المحامي
و المحاسب
و المقاول
و المناول
بصمته في كل غار؟!
يعني ايه يبقي المعلم
فيكي زيرو
يعني ايه يطلع وزيروه
يصوروا لاعب قمار؟
يعني ايه
يبقي المعلم
كسر عشري
يقبل القسمه
و يقبل الاختصار؟
يعني ايه
يبقي المعلم
دون أدني اعتبار
مش محصل صف تاني
و لا تالت
و ان حمول الدهر مالت
يبقي كلب
راح و غار
هو ليه بتدخلينا
كل مادي
في حوار
كل م نيمن خطانا
تحدفينا ألف خطوه
لليسار
انت ظلمك فاق
حدوده
و اختفي فيكي النهار
انت طالق يا حبيبتي
دون أدني
اعتذار
سيد عبد العليم
ليست هناك تعليقات:
إرسال تعليق