جُرع الأسى
////////////////////////////////
مين اللي يسمع مننّا
عن حلم وحكاية عجب
عن المرار اللي اشتكاني
للنصيب واللي انكتب
شوفوا العجب
المرار منى غُلب راح اشتكى
يــا للـعـجـب
وانا لسه حاسس غُربته لما بَكى
مين السبب
مش هوَّ دا بس العجب
والعجب لما أكون عايش بَموت
السقف منه للسما و بصرُخ سكوت
و الحيطان الأربعة مش موجودين
والليل بـ يعزف في نايات للمجروحين
دا بعد ما تعاركوا الحيطان
هـجــروا الـمـكـــان
فَـ عشت بـ تجرّع أسى
وسابوني مع مر السينين
الأولى كآت هي الأمان
و الـتـانـيـة بتمثل دفا
والتالتة كآت هي الحنين
الرابعة واقفه استحملت
تجاعيدها زادت فـ تمحت
من قسوة الليل الحزين
في ليلي البرد قاتلني
ونهاري الشمس كوياني
و شُربي هو كاس الويل
وأكلي دا أمل فاني
وعايش بتنفس رُكام
ولبسي زمهرير قارص
وعلامي بجي مـ الأيام
تعالوا نروح على الأحلام
أحلام بسيطة مدفونه
على الشماعة مركونة
و مـسـتـنّـيّا تلقى دور
و يا ريتها صعب تتحقّق
دي واضحه ساطعة زي النور
أنا مش عــاوز أبـقـى البـيـه
ولا أمسك في أيدي سيجار
ولا يكون لي فـ مارينا شاليه
ولا أقـبـض مـاهـيــه دولار
أنا حلمي أعيش مرتاح
واسكُن كوخ على أدّي
وانسى اني كتير سواح
وابص لأملي ولغدّي
حلمي بس انا رغيفين
وهدمه قديمة تسترني
نفسى لما اتعب ألاقي
مشفى بيوفّر علاجي
و يعملوني بـ إنسانية
وألاقي العدل ولاقي رحمة
وألقا قلب يحس بيّا
نفسي مبقاشي الضحية
ليست هناك تعليقات:
إرسال تعليق