شوفت البخت في الفنجان
لقيت سكة عذاب وهوان
وسكة عشق فيها أمان
لقيت عمري اللي مر زمان
كان اوهام وكان حرمان
وخط العمر فيه عمري
اللي فات احزان
وخط السعد ف عيونك
ورود وريحان
وخط القهر راح يرحل
وخط هوانا له عنوان
انا بحلم انا صاحي
ومش نعسان
انا واعي منيش غلطان
خلاص الفرح بيقرب
وهل وبان
وشمس الحب والراحة
شروقها جنان
وحتى والله
ف غروبها الكيان فرحان
انا اللي الهي كرمني
انا الإنسان
وهبني الفرحة
ووهبني كمان نسيان
خيوط ساكنة
ف وريد قلبي
مع الشريان
يفنجان يلا احكي قوام
خطوطك عز ولا هوان
ولو طال الأمد عاشق
بدوب دوبان
قول فرحني يا فنجان
زيد وأحكي كمان وكمان
أُوصِّف حالي في الدنيا
باشكالها وبالألوان
وشوفت البخت
في الفنجان
صبري شومان
ليست هناك تعليقات:
إرسال تعليق