وانا مرة قاعد
وانا مرة قاعد في مارينا
قالوا الدجال عند المينا
لقيت الناس منهارة
دعيت المولى ينجينا
وفجأة اصفرت الدنيا
كأن الطير بعالينا
لقيت أطفال بتوحوح
وشباب ونساء يعوينا
بصيت شمال لقيت عتمة
ومارد واقف في يمينا
جريت جريت على ناحية
أتاري جنوده بتبغينا
حاولت أدارى في الزحمة
ودعيت يا الهي يامعينا
من تحتي الأرض بقت وحلة
وتاهت عنا مراسينا
وصوت الآه بقى الأعلى
والدنيا اسودت في عنينا
عرفت ان احنا في الآخرة
والشمس هتشرق غربينا
الرعب والخوف شاغلنا
وطول الندامة بتكوينا
حدثت نفسي عن الدابة
عن اللي داخلنا تعرينا
نطق الدجال ونادى وقال
أنا لسه قادم من سينا
ياعبدي ناديت .الكل عنيت
قالوا لبيك يا أبينا
لا تخافوا لا ..أنا الاله
سأحيي هذا المسكينا
عندي الجنان .أنا الحنان
وهي نيرانه هتشوينا
أنا الميهوب.. علام غيوب
بكذبه جاي يغوينا
هنا الثبات ..عند الممات
خلاص ماينفع تلوينا
فجأة انزويت.عنه اختفيت
أتاريه كابوس منه صحينا
سمعت اخبار عن الجبار
قلت ياستار منه احمينا
أتاريه مكار غاوي لنا دمار
عامل طبيب جاي يداوينا
من غير كسوف قال فيلسوف
فوق الرؤوس هيخلينا
ألف أغاني لحن أماني
وحقيقته ناوي يسوينا
بيقول مغارة .فيها شطارة
عيون مياهها هتغنينا
وفيه كفاح .من غير سفاح
أموال كتير هتندينا
أصل الكلام .بيبيع أوهام
بقرح بيه حوحو ومينا
عموم الناس تنسى وتنباس
عقول فسفس اسألوا دينا
اسمع ياراوي انا برده حاوي
هات الحكاوي تسلينا
يالا اتكهن .علينا سهم
مسيرك تيجي نواحينا
نظرت هناك .حسيت بملاك
من عند شهيد بيمسينا
حسيت برواح .مسكه فواح
يارب من كاسه اسقينا
ياقدس ارتاح .بدأ الكفاح
طهر الدماء هيوضوينا
نحن المنون يابني صهيون
سامع أحجار عم تنادينا
ابنوا الحصون ..علوا المتون
غرس الغرقد زادنا يقينا
نحن السلاح ..النا الفلاح
لو دونكوا العالم تحصينا
آن الأوان ..حصادكوا بان
لنزال افسادكوا بيدنينا
أتى الصباح .زال النواح
ياغوطه نصرك يروينا
جت الرايات .فيها الغايات
ياحلوة بان صدق نبينا
سلوا اليهود هاتوا التلمود
وعزرا ملك التدوينا
الملك زال بقدوم هلال
معه النبوة بتعنينا
نوتر داموس.فك الناموس
وجورج بوش رام يخفينا
عن الملاحم الكل لاحم
صلح الرومان راح يأوينا
بعد الغبار مسلم يغار
ياكبرى الملاحم رمينا
بعد الصفوف يأتي الخسوف
ياجهينة قوام خبرينا
عند المقام مهدينا قام
نصر الامام هيسرينا
آخر الكلام .الخور حرام
يارب همة تقوينا
بقامي | محمود عبد الخالق عطيه المحامي
ليست هناك تعليقات:
إرسال تعليق