((((( أنا قلت أهاجر )))))
أنا قلت أهاجر ألم عيلتى
ابنى وبنتى والست زوجتى
العيشه صعبه يمكن
ألاقى فى الغربه عيشتى
قالوا الغربه أسيه
خليك بلاش مابدهاش
وبكره ممكن تكون العيشه أشيه
والحاله تعدل يوم غموس
ويوم بحاف والحاله ماشيه
ركبت راسى وموج طموحى
وف ليله شؤم أقنعت روحى
خلاص ها هاجر ودا كان قرارى
أتارينى كنت بغزل
بايدى توب انتحارى
ضاعوا الولاد والغاليه
زوجتى ورجعت دارى
مكسور حزين محنى الجبين
أصرخ وأقول الذنب فين
ف طموحى ولى
ف ظرفى ولى
ف الشبعانين
أنا شفت ابنى وحبينتى بنتى
جثه هامده ع الميه طافيه
مقدرتش اعمل أى حاجه
غير ان دمعى زاد البحور
كم متر ميه
شعر العاميه
الشاعرجمال القياس
ليست هناك تعليقات:
إرسال تعليق