(اقرأ بالعامية)
((أشكال و الوان))
الناس أشكال و الوان
زهره من كل بستان
فيه ناس بتحب
بحب...و طيبه
وناس بتحب
بطريقه...غريبه
وناس بعيده عنك
ومنك...قريبه
وناس قريبه منك
ومش...حبيبه
وناس صافية النيه
...بريئة...
و ناس دنية الطبع ...
...غريقه...
في حب النفس أنانيه...
...مش بريئه...
وناس تحبها...
وتعتبرها...صديقه
وناس تقربها منك
...تضرب فيك!
واما تسأل!!...يقولك...
(((( دي نيران صديقه ))))
وناس حاقده و قلوبهم
ب الكره...مليئه
وناس الخبث واللؤم
ف قلوبهم...خبيئه
وناس قلوبها
م الحب...مفطوره
وناس قلوبها
م الشوق و البعد...مشطوره
وناس قلوبها
ف الحزن...مغموره
وناس قلوبها
م الدنيا...مقفوله
وناس م الخيانه
قلوبها بقت صحرا
كانت في يوم
بالحب...معموره
وناس بالخير
قلوبها...عمرانه
وناس بالشر
قلوبها...خربانه
وناس قلوبها
بالوفا...مليانه
وناس كلامها
كتير...و...لتاته
وناس كلها
سخافه...و...غتاته
وناس فاكره
نفسها...حاجه
وهي أصلا"
و لا...حاجه
وناس توبها
العفه و هي...محتاجه
وناس غنيه...ومبسوطه
و مش محتاجه
و تبص ل إيد غيرها
كأنها...محتاجه
وناس مكبره دماغها
م الدنيا عن
كل حاجة.
وناس ظالمه
و عامله مظلومه
((( آخر حاجه )))...
وناس واعظه
وهيا للوعظ
محتاجه
وناس((( مثل عليا )))
بترسم علي غيرها
الشرف والنزاهه
وناس بتنافق ناس
عشان تقضيلها...حاجه
وناس بتأذي ناس
عشان تاخد منها...حاجه
وناس ب تدي
من غير متستنى
تاخد حاجه
وناس بتلعب ب ناس
عشانها...محتاجه
وناس مستفزه
بس مش دي...الحقيقه
قلوبهم و نيتهم صافيه
بس مين
يعرف...الحقيقه
عايشه علي طبيعتها
اللي ف قلبها
علي لسانها
وهي دي الحقيقه
وناس قلوبهم بيضا
مش بتحقد
مش بتكره
مش بتحسد
مش محتاجه
من حد حاجه
وف الآخر
.كل الناس
اللي معاها
واللي مش معاها
تلاقيها دايما"
محتاجه حاجه
وإن رجعنا...ل ربنا
بإذنه
هنوصل لكل حاجه
*علاء سعد*
ليست هناك تعليقات:
إرسال تعليق