نفس الدرب
========
لما عرفتك بالديانه مْطواقا
مزراب عيني بحزن بلَّش طقطقا
تْمنيت لو بيناتنا يمحوا الحدود
وزورك يا زهره ال بالطهاره مبشنقا
ومتل النحل بكير وبساعة برود
بجني رحيقي من شفاف الزنبقا
وذات الدرب كل يوم عا بكره بعود
ولو متت كرمالك ما عادت مفرقا
تعلمت من حُسنك انا حب الشرود
وصارت عيوني للنعاس مشوقا
ومتل المثل صفيت حكيوني الجدود
السندان تحتي وفوق مني المطرقا
وانت ِ ولوانو طمنيني بالوعود
ومتل الشمس عالارض ظلك مشرقا
بلكي سويه نقدر انفك القيود
ونخلق فجر مليان حُب وعاطفه
ونمحي ما بين الناس كلمة تفرقا
--------------------------------
بقلمي راضي مشيلح
ليست هناك تعليقات:
إرسال تعليق