جريدة المصرى اليوم تنشر___ل د صبرى أسماعيل
******
مصرالرجولة---زجل الدكتور صبرىإسماعيل
*******
مصر اللى سيدى النبى وصّى عليها كتير
ونوّرت أرضِنا بأشهر المشاهير
ليه يتحرق دمّها وتزعلّوا الأهرام
والنيل يطفّى يلطّف لاجل تبقى بخير
*****
طول عمر مصر الجميلة والجمال طبعها
ولمّا كانت بتضحك يااه على ضحكها
بالبسمة تلمع عينيها والأمل بيبان
والحُزن يهرب يولّى ,,قولو مين زيّها
******
المصرى مُشرِق بطبعه ودنيته أعياد
النُكتة تطلع تدوّى تكتب الأمجاد
لا الفقر يهزم ولا مهما مشاكل الكون
ولاحد يكسر محبّة مصطفى وعماد
*******
الحُب جامع قلوبنا كلّنا ع النيل
والمصرى يقلب مواجعه كلّها مواويل
مهما تحاول تفرّق مستحيل هتنول
واحنا اللى منّا العباقرة مصطفى وزويل
*******
مصر الرجولة وشوفوالدم فى بارليف
تضحك وتمرح وساعة الجد زى السيف
إحنا بُناة الحضارة واسألوا مينا
يشهد وادينا ويهتف فى الحضر والريف
******
رابط فى جريدة المصرى اليوم
ليست هناك تعليقات:
إرسال تعليق