رد الجميل
ـــــــــــــــ محمودعمار الزلباني
جميلك يا غاليه مكتفني
وفوق الرقاب منشال
ما سألت علي حد
يسعفني
لا عمي ولا خال
ما هو كل واحد
ليه في سكته
موال
والتاني في تدبير
الهموم شغال
واللي فاكر انك
علي صدره
بتغلي كما
المرجال
واللي شايل في همك
معايا عمال علي
بطال
ما هو انتي تستهلي
اني اشيل همك
انا خدت منك كتير
وجوايا انطبع
رسمك
واسمي يحضن
حروف اسمك
انا شوفت قلبك
سفينة مليانه بالركاب
مش باين عليهم
سفر لكنهم
رايحين
مساكين
شايلين شنط فاضية
مافيها غير
سكين
باين انهم ناوين
سألت واحد منهم
ما تقولي انتم مين
رد وقال معرفش
بس احنابقي لنا سنين
نستني نرسي
علي كرسي
ومش طايلين
ورفع لي يده
وشاورلي
بالسكين
وقلبك عمر ظنه ماخاب
كان مناهم يعدوا
ويحولوكي سراب
وعدوا وهدوا وسدوا
وتركوا السفينة
خراب
نهشوا الامان منك
وغرسوا في قلبك
نـــــــــــــــــــــــــاب
لان قلبك معاهم
ما لهش حساب
لكن في وسط الزحام
لمحت شاب غريب
سألني فين هيا
قبل ما شعري يشيب
كانت بهية عفيةشهية
وكنت ليها حبيب
دمعها في الحلم
من ناره
حرق خدي
وحلفت ما اهدي
غير لما اروح
ليها
واتريهاوقعت ف يد
اللي مايتسموا
هيتسموا
بامر رب قريب
وحلفت انها تعدي
وتلبس الطرحه
انا قولت له بيدي
يلا نعديها نكلمها
نفهما نوعيها
اتريها فهمانا وفاهمة
الكل
وعارفه مين ظالمها
وفارده عليه الظل
ماهو اصلها طيب
ما يعرف
غل
هيا مصرنا الغالية
بلدالورود والفل
ام العرب هيا
ام الهرم والتل
***********محمودعمار الزلباني
ليست هناك تعليقات:
إرسال تعليق