منصب روحه علينا ولي
وفاكر إنه مش إنسان
و إنه م الفضا نازل ددبان
كلامه يبقى زي السيف
ممشينا كدا ع الكيف
وانا مصدق ومش حرنان
وبلضم أملي ف الضلمة
وبشرب من كاس الحرمان
يا واد اشرب واتهنى
بحلم سرابك اتمنى
وصدق اللي يوم مثل
وسقف للي يوم غنى
وقالي إنه بيعلي وبيشيد
وقالي إنه بيناول ودا بنا
وهوا اللي حامي الأرض
وهوا اللي حامي العرض
كلامه بيبقى لي سنة
وقالي إنه هوا الفرض
ولو كحيت م يعجبهوش
يقطعني ولا اشكي
وكل يوم تجيني وشوش
دا يصوت ودا يبكي
ترابي ليه عليكم هان..؟
ونفسي اشبع ولسه جعان
مليت بالهم كراسي
ولادي هم حراسي
أنا فاكر ومش ناسي
بأن الجبن دا وراثي
وإن النار م بتواسي
وإن القهر دا أساسي
م قالهالي ف مرة الشيخ
بأن سلاحي دا فاسي
وإني بدونه راح اعاني
ومن غيره راح اقاسي
وكسرتوا ف أيدي الفأس
وبشحت بسمتي م الناس
وبشحت حتى إحساسي
شربت الهم بزيادة
وقلت بأن دي إرادة
وفين الرحمة يا سادة
شقايا ليكوا ليه سعادة
أنا المصري يا بلادي
رسمت حضارة من دمي
بموت انا لجل م تهمي
بدمي بروي ف ورودك
وشوكك يملى ليه البستان
ابراهيم بدر عبدالله
ليست هناك تعليقات:
إرسال تعليق