يا صرخة ف قلبى متحاشة
مع الأيام بيعلى الصوت
ولما بتيجى ضحكة جمبلة
ف ثانية تضيع ف لحظة تفوت
&&
وكل الناس مع الصرخة
بتتمايل مع الأيام
ولا حاسين بطعم الدنيا
بناخد ايه ونصرف كام !!
ولا تعليم ولا صحة
وكله اسمه بالمجان
&&
حياة الشعب بالمجان
ضحايا وشهداء بالمجان
وصرخة أم شهيد بتموت
ودمعة شاب فقد الصوت
لو اتكلم يلاااااقى السوط
ينهًد جسمه بدون ما يموت
وتفضل صرخة متحاشة
ورا الشاشة
بكل بشاشة
نخفى الحزن جوانا
نقول عايشين
لكن فى الأصل !!
قلوبنا بالبطىء بتموت
#أميرة شقير
ليست هناك تعليقات:
إرسال تعليق