*******واوات الحب
**********************
محمود عمار الزلبانى
أنا من نظرة حبيتك
وسكنتك هنا بقلبي
وروحي أصبحت بيتك
تعالي نوري دربي
--------------
صباح ابو النور
حبك دوا روحي
وغرامك ايوه موصوفلي
هواك نساني انيني
وطابت معاك جروحي
----------------
محمود عمار الزلبانى
يا دوا للقلب موصوفة
أهديكي كل أشواقي
يا بلسم للجرح معروفة
غير حبك للقلب ما لاقي
-------------------
صباح ابو النور
شفايفك ورد متقطر
ودايبه دوب علي خدودي
قلبك نسيمه متعطر
وهايم بسحر عيوني
------------
محمود عمار الزلبانى
القلب جوايا ناداكي
يتمني ينول ودك
ويعيش الفرح وياكي
ولا دمعة تزور خدك
-----------------
صباح ابو النور
ناديت عليك بااحلامي
لاقيتك ف السما عالي
هواك رسم لي أيامي
قلبك وحي إلهامي
----------------
محمود عمار الزلبانى
سنين العمر محلاها
يا محلى نور لياليكي
للعين إنتي كحلاها
أتمني بس أرضيكي
---------------
صباح ابو النور
خلي قلبك دفا لقلبي
عايشني معاك الحب
واسكن بقي دربي
حبك غرامه عذب
-----------------
محمود عمار الزلبانى
لو مرة تزعلي مني
تسود الدنيا في عيوني
اوعي تخيبي ظني
خليكي بسمةلجفوني
-----------------
صباح ابو النور
ازاي ازعل منك
ولااقدر أبعد عنك
خبيتك ف عيوني
قلبي مايستغناش عنك
--------------
محمود عمار الزلبانى
تعالي إفتحي قلبي
تلاقيكي كمان جواه
يا فرحة مزينة حبي
يا بلسم قلبي ودواه
-------------
صباح ابو النور
كان مال الحب ومالي
معاك اتغير حالي
دوبت في احلي ليالي
نعيش ف اغلي غرام
وتبقي عيونك صافيه لي
--------------------
محمود عمار الزلبانى
يا هدية ربنا ليا
يا نعمة قلبي عاشقها
يا ضي النور لعنيا
يا كلمة حب طا يقها
----------------
صباح ابو النور
دوول مهما فرقونا
روحي وروحك حبايب
مش هايقدروا يبعدونا
روحي وروحك قرايب
------------------
محمود عمار الزلبانى
حبيتك ومش ندمان
ع العمر اللي مني فات
عشان قلبي بقى فرحان
فكرته ف ضلعي مات
-------------
صباح ابو النور
بحبك ومش هاقدر
علي بعدك وهاستنظر
دا عمري مهما يعدي
مفيش حبيب عندي
غيرك ليا مستنظر
--------------
محمود عمار الزلبانى
بخفة امسحي دمعي
وهاتي يدك على خدي
وبليلي نوري شمعي
وقولي للغرام عدي
---------
صباح ابو النور
بشتاق لك وأنت معايا
ياعمري ياكل هنايا
ياأغلي حلم حلمته
وعاش العمر ويايا
----------------
محمود عمار الزلبانى
إنتي وأنا والقمر تالت
والنجوم كلها تغني
وبسمة لحبنا شالت
وجاي الفرح بيهني
صباح ابو النور
معاك تحلو سنيني
ياخدني حبك للجنة
يروح قلبي ويجيني
لحبك كان يتمنى
-----------
محمود عمار الزلبانى
مشتاق لنظرة من عينك
ترجع ليا أحلامي
على قلبي ربنا يعينك
يا فرحة كل أيامي
----------------
صباح ابو النور
شغلت القلب
وبحبك بتكويني
ساكنت الدرب
واحضانك تدفيني
------------
محمود عمار الزلبانى
همي في حضنك يدوب
لأنك نبع الحنان
قلبك ولا كل القلوب
وياه شوفت الأمان
-------------
صباح ابو النور
تعالي قرب حبه
زود حبك حياتي
وبشوق كل الاحبه
معاك تسعد اوقاتي
---------
حمود عمار الزلبانى
القلب والله شاريكي
قلبك عمري مابيعه
عشان قلبك شريكي
وحبك لعمري ربيعه
-------------
صباح ابو النور
وحبك عمري ماابيع
خلي قلبي كله ربيع
وعشانك ياحبيبي
مني عمرك ماتضيع
-------------
محمود عمار الزلبانى
يا غالية إنتي ملاكي
الحب جنة معاكي
والقلب طار في سماكي
يتمنى يبلغ مناكي
--------------
صباح ابو النور
دا الحب انت مناه
وقلبي يعيش جواه
حبيبي وبتمناه
أعيش العمر معاه
---------------
محمود عمار الزلبانى
حبك كنسمة تهفهف
وضحكة عيونك أماني
خليتي قلبي يرفرف
هيمان يردد أغاني
ـــــــــــــــــــــــ
صباح ابو النور
حبك احلي الأماني
وياك عشت تاني
نروي كل الاغاني
ف العشق مجناني
ــــــــــــــــــــــــ
محمود عمار الزلبانى
اوعي لقلبي تبيعي
أوحبي ليكي يموت
وتدبل زهرة ربيعي
والحزن عندي يفوت
ـــــــــــــــــــــ
صباح ابو النور
قلبك ساكن ضلوعي
وياك تنير شموعي
ولورودك انا عاشقة
حبك هو قلوعي
ــــــــــــــــــــــــــ
محمود عمار الزلبانى
أحبك فرحة تحييني
أحبك كلمة نشوانة
أحبك نغمة تشجيني
وأتمنى الحزن ينسانا
ليست هناك تعليقات:
إرسال تعليق