واضح انك ناقصة تربيةانت اخر واحد يجيب سيرة التربية والأخلاق و... ايه ليه كدا بس يا جماعة الله الله ايه اللي بيحصل مع سها مراد وعلي بدر الدين دلوقتى محدش عارف طب ما تيجوا نعرف ونشوف الحلقة الثانية عشرةمن مسلسل قسمة علي اتنينيارب تعجبكمنهى علىمسلسل قسمة على إتنينقصة وسيناريو وحوار / نهى على طهالحلقة الثانية عشرةمشهد (1) ليل داخلى / شقة شاهر / الرسبشنعلى يتقدم ناحية عدة خطوات وعلامات الغضب واضحةفراولة تغلق بسرعة زر المسجل سها تنظر لعلى فى خوف داخلى لكنها تحاول الثباتعلى فى نبرة صرامة بها الحزم :البارتى خلص يا جماعة تصبحوا على خير وياريت مشفش حد فيكم هنا تانىأصدقاء فراولة ينسحبوا بسرعة من الشقةفراولة تنكمش فى نفسهاعلى فى نفس النبرة وعيناه ينطلق منها الشرر:فريال تصبحى على خير أظن الوقت إتأخر وياريت تدخلى أوضتك وتقفلها بابها عليكى عشان عاوز المدام فى كلمتينفراولة تهز رأسا بقوة وتسرع إلى حجرتها وتغلق البابعلى يتقدم ناحية سها ويقف أمامها وينظر لها نظرة طويلة صامتة كلها عصبية ونيرانسها تنظر إليه فى تحد كاذب محاولة الثبات وفى نبرة ضيق مفتعلة :إنت إزاى تطرد ضيوفى من بيتى وبعدين مش تقول إنك جىعلى فى يرمقها فى قرف وغضب وفى نبرة توبيخ قوية :حستأذن قبل ما أجى بيتى ولا إيه .. إيه يا هانم يا محترمة إللى أنا شفته دا مسخرة وقلة حياء وعدم مسئولية وإحترام يظهر إنك ناقصك تربيةسها فى نبرة إنفعال شديدة خارجة عن سيطرتها :أنا محترمة ومتربية غصب عنك وعن إللى يتشدلك إنت خر واحد يتكلم عن الإحترام والتربية و....على يقطع عبارتها بصفعة قوية على خدها الأيمن وفى نبرة خشنه مليئة بالقوة والعصبية :إخرسىسها تفقد السيطرة على نفسها وفى هستيريا وهى تحاول كتم دموعها :إنت بتضربنى يا بن .....على يخرس كلمتها بالصفعة الثانية أشد قوة ويغرس كفه فى لحمها وفى نبرة تحذير :إخرسى وإياك حسك يترفع عليا تانى مفهوم يظهر إنك نسيتى نفسك وإنك متجوزة وعلى ذمة راجل على يترك ذراعهاسها تحاول بلع ريقها وتتراجع خطوتين للوراء فى صمت وعدم إستيعاب الدموع تطفر من عينيها لا إرادية وحالة من الصدمة قد أخرستهاعلى يطلق زفرة قصيرة ويبعد عيناه عنها وفى صوت مرتفع :فريال ... فرياالفريال تأتى مسرعة وقد إصفر وجهها :فريال فى خوف واضح :نعم يا دكتور علىعلى فى نبرة أمرة :العربية بالسواق حتكون عندك إنتى والولاد الساعة عشرة صباحا تكونى مجهزة شنطك وشنطالمدام والولاد مفهومفراولة تهز رأسها وتنظر لسهاعلى فى نبرة أمر:وإنتى قدامىسها فى تساؤل وإرتجافة :على فين ؟على فى نفس النبرة :على الفيلا بيت جوزك تبقى قدام عينى يالا بسرعةسها تسير فى صمت وهى تطرق رأسها أرضاعلى يخرج ويصك الباب خلفهفراولة فى خوف :يا خراشى جاب القوة دى كلها منين سترك ياربــــــــــــــ قطع ــــــــــــــــمشهد (2) ليل خارجى / فيلا بدر الدين / البوابةسيارة على تعبر البوابةــــــــــــ قطع ـــــــــــــمشهد (3) ليل خارجى / فيلا بدر الدين / الباب من الخارجعلى يفتح بالمفاتيح باب الفيلا وسها واقفة بجانبهعلى يشير لها بالدخول فى صمتسها تدخل أمامه والدموع حبيسة فى عينيهاــــــــــــــــ قطع ــــــــــــــمشهد (4) ليل داخلى / فيلا بدر الدين / الرسبشنسها واقفة عند الباب تتطلع للفيلا فى ذهول وصدمةعلى فى نبرة ساخرة:نورتى بيتك يا عروسةسها فى صوت مختنق :إنت جبتنى هنا ليه ؟على ينظر إليها ويحاول التماسك :حتعيشى إنتى والولاد هنا معايا وقدامك حلين يا مدام يا تقبلى بالأمر الواقع لحد ما الخمس سنين يعدوا على خير إن شاء الله وكل واحد يروح لحالهأو تطلبى الطلاق وتنازلى عن الثروةسها فى قهر وتحد شرس :دا بعيد عن شنبك يا دكتورعلى يخفى نظرة الإنتصار وفى نبرة هدوء وبرود قوية :جميل يبقى تهدى وتعقلى وتبقى شطورة وتسمعى الكلام عشان أحبكسها فى حدة :حبك برص وعشره خرسعلى يرمقها فى شذور وفى تحذير :صونى لسانك يا سها لأحسن حتشوفى منى وش عمرك ما شوفتيه ودلوقتى إتفضلى أوضة شاهر حتباتى فيها لحد الصبح وبعدها أوضتك تتجهز إتفضلىعلى يصعد وسها من خلفه وحالة من الهم والإنكسار عليهاــــــــــــــ قطع ـــــــــــــــمشهد (5) ليل داخلى / فيلا بدر الدين / حجرة نوم شاهرسها جالسة على حافة الفراش تبكى فى صمت وحرقةسها محدثة نفسها فى ألم :مش ممكن دا يكون على دا واحد تانى معرفوش .. معرفوشأأأأأه يارب أنا تعبت من كل حاجة يعنى أمر واقع أعيش هنا وأشوفه مع مراته قدامى طب إزاى ... إزاى أستوعبها بسسها تجهش بالبكاء وتدفن رأسها فى الفراشـــــــــــــ قطع ـــــــــــــمشهد (6) ليل داخلى / فيلا بدر الدين / حجرة نوم علىنادين تنظر لعلى وهما جالسان على المقعدان أمام بعضهما البعضنادين فى نبرة ضيق وإستنكار :إزاى تعيش معانا ... على إنت مستوعب كلامكعلى فى نبرة حازمة منفعلة :الموضوع دا مفيهوش نقاش الست دى لازم تبقى تحت عينى ولا كان عاجبك الكلام والمسخرة إللى حكيتها لكنادين فى نبرة إنفعال وهى تنهض متجهة ناحية الفراش باللغة الإنجليزية :مستحيل ... شت لازم يكون فى حل تانىعلى يتجاهل عبارة نادين ويصعد إلى السرير ويفرد جسده وفى هدوء بارد :جود نايت بيبى أنا عندى محاضرات الصبحـــــــــــ قطع ـــــــــــــــمشهد (7) نهار خارجى / ضوء الشمس / فيلا بدر الدينـــــــــــــ قطع ـــــــــــــمشهد (8) نهار داخلى / حجرة نوم سهاسها واقفة أمام دولاب ثيابها المفتوح تأخذ ملابسها وتضعها داخل الحقيبةسها تسمع طرقات على البابسها فى إقتضاب :إدخلفريال تدخل وعلى وجهها علامات الدهشة وفى تساؤل :إنتى بتعملى إيه ؟سها فى إنفعال واضح :زى ما إنتى شايفة بلم هدومى وحنرجع على إسكندرية أنا حكلم إستاذ عامر وأقولة إنى مش عاوزة الصفقة دىفريال تقترب منها وفى دهشة وإستنكار عفوى :نعم يا ختى عاوزة تتطلقى يا نهار أسود ... بعد كل إللى عملته وخططت ليه تبوظى الدنياسها تنظر لفريال نظرة شك وترفع سبابتها أمام وجهها وفى حدة وثورة :خططتى عملتى إيه ... إوعى تكونى إنتى إللى ورا مجينا هنا يا فريال إنطقى لحنط فى كرشكفريال تحاول تهدئة سها وتجلسها على الفراشفريال فى نبرة صادقة وقسم :وعزة الله وحياة المصحف إن شاء الله أتعمى لو بكدب أنا عملت كل دا عشان تبقى قصاد عينه أخرى قولت يجى الشقة عندك كل يوم يشوفك وتشوفيه العيار إللى ما بيصبش بيدوش بس والحمد لله ربنا حقق لى أمنيتى من وسع وجابك الفيلا وبقيتى زيك زيهاسها تنظر لصديقتها فى عتاب قوى وفى تأنيب وغضب :ليه ... ليه عملتى كدا أنا طلبت منك دا حرام عليكى أنا بقالى هنا أسبوع مخرجتش من أوضتى حاسة إنى مخنوقة حموت ليه يا فريال دا أنا صاحبتك هونت عليك يعمل كدا فيا ويمد إيده وكل دا عشان إيه عشان واحد بايعنى من الأساس حرام عليكىسها تبكى بصوت مسموع وكسيرفراولة تأخذها فى صدرها وفى نفس النبرة الصادقة :وكتاب الله أنا بعمل دا عشانك إنت بتحبيه يا سها متغالطيش نفسك بتحبيه ومش عاوزة غيرة ولو الملك نزلك من السما عاوزة على وصدقنى لو ضربك بدل العلقه عشره عاوزاه ضرب الحبيبيبقى خلينا نرجع حقناسها ترفع رأسها ووجهها الملىء بالدموع وفى لهجة وجع :أى حق إللى بتكلمى عنه ... على مش حقى دلوقتى دا حق نادين إللى بيموت فيهاومش شايف غيرها فى الدنيا على نسينى مسحينى من ذكرياته وحياته بأستيكة إيه حشحته مينفعش يا ويله إللى ما يجى من نفسه ودا عمره ما حيجى خلاصإمبارح سمعتهم وأنا فى البلكونة ضحك فرفشه وأخر إنبساط على الأخر دا قالها بحبك يا نادين يجى عشرين مرةسها تقول هذة الكلمة فى غيرة قاتلةدموع سها تنهمر وفى نفس لهجة الغيرة :بحبك يا نودى ... بموت فيكى يا روحى طب طلعت روحك يا بعيد إنت وهى حبك حنش كلك وريحنى منكفريال تكتم ضحكتها وتربت على كتفها محاولة تهدئتها :وعاوزة تسبيه ليها على طبق من دهب دا حقك زمان ودلوقتى فاهمةسها فى صياح ومرارة :بقولك نسينى مش فاكرنى مش عاوزنىفريال فى قسم وتوعد :نخليه يفتكرك بالذوق بالعافيه بالضرب بالدلال حيفتكرك إرمى حمولك على الله أولا وأخيرا ثم على العبده لله ودينى ما أبقى فريال بنت نعمات إما خليت إللى ما تتسمى نادين ديه تقول حقى برقبتى بس إنتى إدينى ودينك وإسمعى كلامى فاهمة دى حرب وفى الحرب كل الوسائل مشروعةسها تنظر لفريال بتفرس وتعقل لحديثهافريال تبتسم وتهز رأسها فى صمتـــــــــــــــــ قطع ــــــــــــــــــمشهد (9) نهار خارجى / فيلا بدر الدين / الجنينةعلى يسير مع وليد يتحدثاعلى ينظر لأخيه وفى نبرة نصح :يا وليد لحد إمتى حتفضل شايل إيديك من كل حاجة هو مين فينا الكبيرأنا كفايا عليا شغلى والمسئوليات إللى إستجدت على حياتى إنت دورك بقا إيه متفرجوليد يطقصق وفى تململ :يووه يا على إنت حتطير السيجارتين إللى واخدهم على الصبحإيه المطلوب منى ما كل حاجة ماشية زى الفل والحياة لونها بمبىوليد يدندن الحياة لونها بمبى وأنا جانبك وإنت ....وليد يقطع عبارته وفى دهشة يغمض عيناه ويفتحها :وأنا جانبك والسما بتمطر نسوان حلوة على الصبحإيه ده يا حظك النار يا علىعلى يلتفت ويفتح فاهه فى دهشه قوية ويعدل وضع منظاره الطبى فى شىء من التأملفريال مرتدية الترتينج الرياضى وبجوارها سها ترتدى ترتنج أسود تجرى وشعرها الأحمر المصبوغ القصير يتطاير على وجههاوليد فى تساؤل ؟دى سها مراتك
إلى اللقاء فى الحلقة القادمة إن شاء الله
يتبع .................
يتبع .................
ليست هناك تعليقات:
إرسال تعليق