شئ أكيد
الحب
مش غنوة ونشيد
مش ضحكة حلوة
ودمعة مُرة
وكلمتين
وكيت وكيت
الحب
حاجة بتتولد
حالة بتتوجد
مش أى حاجة
بتتنقل
من إيد لإيد
الحب
قلب داب فى قلب
عارف سكته
بعد ما تاه
الحب
روح تعشق قلب غيرها
وتدوب معاها
الحب
إنك تعطى اللى اتحرم
وتكون دواه
الحب
إنك تسعى دايما لربنا
تنول رضاه
الحب
إنك تنسى دايما
حُب نفسك
حتى أسمك
آه ورسمك
الحب
بسمة مهفهفة
فى عيون ملامحك
الحب
كلمة حنينة
تلازم شفايفك
الحب
سر كبير
عايش ف قلبك
يجرى ف دمك
الحب
قصة روح
ساكنة
فى بدنك
إبراهيم راضى
ليست هناك تعليقات:
إرسال تعليق