قالتلى
،،،،،،،،،،،
قالتلى حبيبتى بنظرة طويلة
دا إنت حبيبي الوسيم الجميل
عيونِك حبيبتي اللى دايما جميلة
ولاجل جمالها تشوفنى جميل
ودايما فى بالك لأنك أصيلة
دى نظرة لوجهك بتشفى العليل
ساعاتى بدونك تعدى تقيلة
فى قُربك سعادتى وما لها مثيل
وليلة معاكى دا دى تبقى ليلة
تساوى سعادتى فى عُمرى الطويل
حبيبتى دا إنتى كنسمة عليلة
على شط نيلى فى وقت الأصيل
بحبك عفيفة ورمز الفضيلة
يا مِنّة يا وهبة إلــهى الجليل
بحبك يا بهجة ولمّة وعيلة
بحبك واقولك كمان ع الدليل
ساعة طلعتك البهية الجليلة
تلاقينى بَسعَد بحِب وبميل
جمعة عبدالجواد
٢٠١٧/٩/٢٧
ليست هناك تعليقات:
إرسال تعليق