( مستحيل هصدق ) بقلم محمد عباس معلم الاسماعيلية

خواطر بعنوان : ( مستحيل هصدق )
مستحيل هصدق .. اللى بنا كبير
حب وعشرة والفة .. وشعور صادق جميل
احساس انا عشته مرة .. وحكيت وقلت كتير
انسى ليالى الغربة .. واحن للاحباب
واعشق بنبض القلب .. الاهل والاصحاب
واكون اسير الماضى ... فرحة من غير عذاب
فاكر زمان حبيبى ... اللى اتعلمت منه
نهرنى وغصب عنه ... لاجل يعلمنى انه
فى وقت للعتاب ... ووقت الاجتهاد
ووقت تانى للشدة ... وسعادة من غير حساب
كنت اشوفه واجرى ... بفرحة وابتهاج
ويضمنى لصدره ... بحنان وشوق غلاب
كنت افرح بالمداعبة ... واطير بهجة وشباب
قدوة عمرى وحياتى ... نور طريق حياتى
ذكرى جميلة ويوماتى ... بدعى واقول يارب
يارب اسقيه محبه ... لاجل ما صان الوداد
ومستحيل هصدق .... انى اشوفه مهان
رسالة واضحة وغالية ... للناس وللخلان
مكانة لازم نصونها ...بالحب قبل المال
لمن علمنى حرفا ...وصار عظيم الشان
غير مسار حياتى ...من الجهل والحرمان
وكفاية انى افاخر ... بمربى وكان انسان
حمل امانة الرسالة ... بعزيمة وباتقان
ورفض يسبنى وحيد ... خالى من الاركان
اسس وبنى عزيمة ... صلبة كما البنيان
وبفضلة صار لى شان ... واتباهى فى كل مكان
منظومة محتاجة نظرة ... قبل فوات الاوان
نشئ النهاردة وبكرة ... صرخة امن وامان
نحقق الاحلام بحب ... ورضا من الرحمن
بتضافر الجهود ... ورؤية بدون سدود
تتوالى الانجازات ... ونسابق كل العهود
بقلم محمد عباس معلم الاسماعيلية