يا حبيبي
ف الحب انا كنت باديه
ياما شوفت وكنت راضيه
ليه تسيب حياتي فاضيه
ليه تخون وتبيع هوايا
جاي ليه دلوقتي راجع
ليه تقلب ف المواجع
لا خلاص القرب واجع
قلبي رافض من البدايه
كان زمان قلبك عشاني
بعت قلبي بحب تاني
انت جارح انت اناني
مستحيل هتكون منايا
صدقتك من غير تفكير
وعرفتك فكرتك خير
اتاريك محتاج تغيير
ياخساره خلاص كفايه
بداري عيوبك ف مظاهر
والباين فيك عكس الظاهر
وعشان حبي كان طاهر
ماتت بينا الحكايه
اكيد انت من الماضي
سنين راحت ع الفاضي
نسيت قلبي وكان راضي
تكمل حياتنا للنهايه
قلبي جنبك عاش حياتو
بين كلامو وبين سكاتو
قلبي مات والعمر فاتو
وانت مش معايه
بقلم الشاعر /
عبدالفتاح عزت
ليست هناك تعليقات:
إرسال تعليق