توبه ممنوعه ..عبد الفتاح عبد الشافي

توبه ممنوعه 

***

**

*

ولو زاد الكلام سطرين

ولو زاد الوجع وجعين

منيش ناوي علي التوبه والاستغفار..

ولا هقول دي آخر نوبه

وامنع كلمه مكتوبه 

تودي النار ..

انا بتوب بس للقهار..

لرب الكون 

وبستغفر كتير منه ف ليل

ونهار..

لكن من عشق لوعني

وم النومــــه بيمنعني 

مفيش توبه ورجوع ف قرار..

وهفضل دوم اسير عشقك

وراضي بعيشتي في سجنك

ولا هكون يوم من الاحرار..

يا ساكنه الدار..

ماتاهت شمسي من قمري

وبقيت محتار !

لا لاقي نجمه في سمايا

ولا بفلكك لاقي لي مدار..

يا عيش مخبوز لي من صغري

يصـــومني بقية عمـــــري

ولا فكري يروح لـ فطار ..

يا حس القاه ف شــراييني

بلمســــــه ونظره يحييني

واخجل منه ف الأشعار ..

ياورده فوق بســـاتيني

ياغنوه ف كل مواويلي

ادا مست هوا غــــيري

ألاقي نســــــمتي بتغار ..

انا مش بكتب الكلمه عشان

أبقيَ من الشطار..

أنا بعكس شعور جواي ف كلمه

بقلمي مكتوبه ..

تليق بقلوب كتيره وراي لأي

حبيب ومحبوبه ..

واعيشها وفكري كله معاي 

وتبقي ليا منسوبه ..

مفيش توبه ..

يا اعجوبه ..

يانادره الوصف بين جيلك 

ياشوق مـــــروي بفناجيلك

يا حلـــــم القاه ف مراسيلك

يارحلة عمر ف بحورك مابين

شطين..

انا الملاح ودوم صاحي ولا هتغمض

عني لـ تنين ..

ولو زادوا البحور بحرين

ولوزاد الوجـــــع وجعين 

مفيش توبه يانور العــين