{{ هى ملاك وانا بشر من طين }}
:
بزمتك مين فينا اللي يغير
ملاك نور نازل من السماء
ولا بشر من الطين مخلوقين
ماهو لازم ياحبيبتي تعرفي
إنتي مين..؟ وانا مين..؟
دا أنا يوم ماشفتك اول مره
مصدقتش ولمست نفسي
معقوله طب ليه هو انا مين
دي هي ملاك نازل م السما
وانا بشر مخلوق من طين
وكان كل تركيزي انظر لوِشِّك
اشوف هي مين وأنا مين
الجبين زي السما الصافيه
والحواجب هلالين مرسومين
والعيون كحيله بكحل رباني
ورموشهم ستارات دلايه بحنين
والأنف بان زي ورق الصفصاف
زاين شفايف بالشهد غرقانين
والأسنان ب بسمة لولي
مفروش ومرصع علي الصفين
نعم هي اللي شفتها في المنام
نفس العود نفس القوام
عود يشبه غصن البان
وقوام يشبه فى انسيابه الغزلآن
والخُلُق (( خُلُق )) حميد
ماهى فعلاً كده أنا شايفها
أصلها طيبه بنت ناس طيبين
من حقى أنا اللي اغير عليها
مش هى اللي علىَّ تغير
هو في إيه إتقلبت الآية ولاَّ إيه
هى مين يناس وانا مين
هى ملآك نازل من السماء
وأنا بشر مخلوق من طين
:
:
27 / من أكتوبر / 2018
ليست هناك تعليقات:
إرسال تعليق