البلد دى فيها حكومـــــه .. /طلعت حلمى عامر

البلد دى فيها حكومـــــه ..

حبة كلام على كام صوره ..

والعكش عامل فزوره ..

وبرلمان عكس الموجه ..

والشعب عايش فى الحوجه ..

ماتقدموا لنا بقى النوجه ..

ولا الحكايه بقت عوجه ..

والجزمة رقعت على القوره ..

والعكش باين فى الصوره ..

قواننا لساها مدروجه ..

وإئتلاف على كام موجه ..

والدعم عامل مرجيحه ..

بيطوح اللى مالوش ريحه ..

والكلمه لو تبقى قبيحه ..

الجزمه تطلع له صريحه ..

والرشوة رجعت فى صفيحه ..

عملالنا أجمل تسريحه ..

والكلمه جوانا جريحه ..

والقاعده مابقتش مريحه ..

أفكارنا صبحت محكومه ..

والبلد دى فيها حكــــومه ..

طلعت حلمى عامر