عناق الشمس
---------------
وحيات وجه القمر وحيات اشواقي
حُبك بقلبي بقي عايش بأعماقي
وكل ما خيالك ظهر وشفتو عليي هل
بنداه بلحن الغزل وين رحت يا ساقي
وبرسم لطيفك صُوّر حتى بقربي يظل
بلاقيه فل وتركني بفية وراقي
وبيصير كاسي الحلو طعمو بطعم الخل
وعالامل بحيا ليوم ال فيه تشتاقي
ونهار لولا مضى وطيفك ما شفته طل
وعرفت من دون قصد ناوي على فراقي
بيصير فيي العصب مثل الوتر منحل
وبعرف غروب الشمس ناوي على عناقي
ومادام عما بتجي هالعمر ما بينمل
وبيظل حبك اليي متل الحرز واقي
ومادام بيت الشعر باقي معي بيظل
شو بعد بدي انا اطلب من الباقي
-------------------------------------
بقلمي راضي مشيلح
ليست هناك تعليقات:
إرسال تعليق