بينى وبينك م الطرق مسافات
بينى وبينك....أيوا انا الموجوع
أنا كنت عايش عيشتى بإحتمالات
أولها خوف وأخرها نبع دموع
ياللى إنتى منى وجوا منى حاجات
عاشقك تمالى ف كونك المنزوع
حهديكى غِنوة بلحن ينفى أهاات
حهديكى قوتى وعمرى يوم ما هجوع
بينى وبينك سكة ساكنة ضباب
بينى وبينك حِس مش مسموع
ياللى انتى ساكنه ف الدفين بالروح
إهدينى روحك لو ف شكل سراب
أو سيبى روحى ف السما بسُكات
خليها تخلص م التعب برجوع
ليست هناك تعليقات:
إرسال تعليق