زند الليل ======راضي مشيلح

زند الليل
=======
حتى بصدري ما تبقى الاه محبوسه
قومي تانلعب سوا شي دق محبوسه
تا بكل كَرْجة زهر يتسابقوا النحلات
يحوموا ع مرج الزهر حومات مدروسه
وحتى ان جبتِ دَبَش حذفه من الحذفات
بقدر اتحرر انا لو سَكِّر الدوسه
ومش رح بخلي الك لا بيش لا جهارت
وع الْيَكْ صيبك غصب واحصل ع مَرَُوسه
بلكي ع غفله النحل بيجمع العسلات
حسره بغيابك شو قضّى ايام منحوسه
مش طمع مني اقنعي ولا سوء بالنيات
عندي القناعه بنفسي كنوز مغروسه
ولوما عرفتك اكيد بتكرهي الحسرات
وقديش متلي قضيتْي أيام مهوسه
ما كنت بطلب انا هيك طلب بالذات
وبقيت اكسر ع زند الليل ناعوسه
لكن بدوري امسحت عن خدِّك الدمعات
وبالعين نمتِ وبجفن العين محروسه
واليوم دورك اجا وتا ترجعي الدينات
لصوب مني قْربي ورديهن ببوسه
====================
راضي مشيلح