(((( صانع الضخكه ))))
بصنع الضحكه وأبيعها
لكل الوشوش _ _ _ _
حتى المكشر _ _ _ _
واللى وشه بشوش
واللى له فى الضحك
واللى ملوش _ _ _ _
وأنا جوايا متكسر
ومش ممكن ف يوم أقدر
أكون بوش متكشر
______________
مهنتى أصنع الضحكه
وإرسمها على وشى
وأنا شايل ف القلب
هموم ما بتمشى
أشوف بعنيا تصفقكم
وأصنع بملامحى تهليلكم
تئن أوجاعى جوايا
يزيد تهريجى يفرحكم
______________
ولو مره الدمع يغلبنى
يوم ما أفتكر أبنى
يودينى فكرى ويجبنى
مريض بقاله زمان
ومرضه نادر مغلبنى
تفضل الضحكه مرسومه
والأه ف القلب مكتومه
ما أنا اصلى _ _ _ _
بصنع الفرحه وببيعها
شعر العاميه
الشاعر جمال القياس
ليست هناك تعليقات:
إرسال تعليق