(وفجأه نسيت)
قعدت أدور جوه مني
لجل الاقيني بحالي
والتقيتني الف حته
حتي معرف ايه جرالي
شفتني من جوه عامل
زي كسر من مرايا
كل حته منها فيها
الف سن وله شظايا
كل شاظيه منها تدبح
نبض قلبي والخلايا
كل دا وانت حبيبي
كل يوم تبعد شويه
كل يوم بيزيد عنادك
كل لحظه تزيد اسيه
انسي ايامنا اللي فاتت
افتح الباب للي جايه
ايوه صح انا لسه فاكر
آخر كلمه كات معاك
جيت ساعتها حلفت اني
لازم ابعد عن هواك
واستحاله مره تانيه
قلبي راح يجري وراك
لكني فجأه نسيت ياغالي
اني كان لازم انساك
وجاي ورافع رايتي بيضا
وحالف اني ما اسيب هواك
***********************************************
محمود ناصر
ليست هناك تعليقات:
إرسال تعليق